رحلة

رحلة ( ظلينا حبايب أو غدينا اخوان )

قدرنا الموت والدنيا تجارب والـــــعمر رحلة

ودنيا تدور ظلينا حبايب أو غدينـــــــا أخوان

فراق أو وصْـل أو اللي معاك القلب يحصل له

أناادري انه على النية يجازي ربــي الإنسان

مع اني جيت لك شخصٍ هزم قلـبه بـِـيَد عقله

ولكن داخلي لجلك حــــــــــنايا تشبه الأوطان

حنايا بس لا والله قولــــــــــــــي هالجسد كله

إذا ما جيتــــــــــي فعيني تجيبك لعثمات لسان

أحبك من وأنا طفــــلٍ صغير وْحضرتك طفله

تحبيني مثل طين الـــــــــــبيوت وعلبة الألوان

وأنا ما كنت أعرْف إن لو كبرنا خـــــلٍ وخله

تصير التضحية فرض ٍولو نمشي حذا الجدران

(أنا وين ألقا لْـعـــــــــــيوني ملاذ ٍ بس وألجأ له..

وأنا من ويـــن ما ناظرت شفتك في يدين فلان)

وأنا حزتــــــها ودي لو أظم الموت وأشرح له

كثير أهــون علي مْـنَ اللي صار القبْر والأكفان

 

ولا أدري أعــــــــــــــزيني ولا أدري أبارك له

ولا أدري الصواب مْنَ الخطا والربح م الخسران

دخيلك لا تقولي ليه ولاّ كيــــــــــــف ولاّ اشْـله

مدام انتي القضية والقضا والسجــن والسجّـان

قدرْك انك تكوني له فتاة أحــــــــلام في غفله

وأنا حظي أظل جار ٍ عشق بنتٍ من الجيران

حبيبة والحلِم بيــِدك نجاته وفـــــي يـَدك قتله

وانا بكذب على نفسي وأقول ان الأمر سيّان

على الله رحلتي ويـــــــــاك تشبه رحلة النخلة

تموت وظلـّها يبقا وأنا أبــــــــقا داخلك أزمان

حبيب أو شاعر ٍ كل ما كتــب بك ما لقا قفله

يغلـّق باب فكْرتـْه وتفتـــّــــــــح داخله بيبان

ويبقا الموت هـو مسك الختام وزبدة الرحلة

هي الأعمال بالـــــــنيات حتى لو نصير أخوان