ماوحشتك

 

مانسيتك

ما نسيتك / ما نسيتك

كنت آخذ

كل تفاصيل تخصك من بعيد

كنت كل مرة أبنسا

يختنق فيني كلام

ويحتضر فيني وريد

ولاجديد

لا جديد إلا العتب

ولا قديم إلا التعب

لك

 عكست ف هالثبات

وقلت صمتك فضتك

وان حكْيك من ذهب

ولا سبب  لا سبب

غير أطلال ٍ تركتي

فوق  صحرا من هدب

قلت أشوفك

والمصيبة

تبت ألم الشوق

نخل ٍ

دام يتساقط رطب

ولا جديد

لا جديد

 إلا العتب

قمت أعاتب كل ما فيني ولا جيتك معاتب

قمت ألطخ هالدروب اللي في خدي أمنيات

من صباح الدمع ألســــــود يوم قلتيها مراتب

لين صار لكل شارع فــــــــي جروحي أغنيات

هذا نا لك تايب من كبـــــــــــرياء الحب تايب

من كثر ماعشت بعد وحاصـــــــــرتني اللاحياة

ما وحشتك ما سرقت النوم من جفن وهدايب

  ما طرت لك في بعادي لحــــــظة ٍ من ذكريات

ماوحشتك

 ما وحشتك

ولا ّ كل ما فات مات

زين قولي

هالقصيد

هالقصيد اللي بذرتي  

في ثراي

وقام طلع

وصار من بعدك نخيل

هالعيون

هالعيون اللي دخلتي

في عماي

وطاح دمع

وطاح شي ٍ مو قليل

هالشعور

هالشعوراللي بيجري

في دماي

وصاح ضلع

وصار نزعه مستحيل

وهالقتيل

هالقتيل

هالقتيل اللي في صدري

ومعْك  نبضه في رحيل

زين قولي

بس قولي

من يعلمهم يموتو ويرجعون لهالحياة..

شكل ثاني وشي جديد

شي جديد إلا التعب

شي جديد إلا العتب

لجل يبقى الحكي فضة

والسكوت من الذهب

لجل يبقى الحكي فضة

والسكوت مْن الذهب

طاري الموت

طاري الموت

الله يصبرني على طاري المــــــــوت

لا صرت أنا مابين قلبك وعقـــــــــلك

تابوت لقيانا ولفراق تابـــــــــــــــوت

ما طلت منك ظلم وشلون عــــــدلك

يوم الزوايا حلم بالصدر مكبــــــــوت

لا بعضك اللي جاد ولا جاد كلــــــــك

عامين صدفة شوف لا حرف لا صوت

(عامين له هالجرح في حضن نصلك)

عامين كن روحي تجي الحلق وتفوت

والعنق هذا العنق مجنون حبلـــــــك

ما كن شلته كن بي الحب منحــــوت

ما كن قلبي طب أو حب قـــــــــــبلك

ببيوت أصبح بك وأمسيك بـــــبيوت

غالي القصيد وأنت شعري رخصلك

ما قول أنا ملـــــــيت دعوات وقنوت

لو عن مـــــــراد القلب سديت سبلك

ما قول  إلا الصبر لا صار للموت

نسخــــــــة وأنا ما بين قلبك وعقلك

المحاني

 

المحاني وقــّــفت والصبح مقســـــوم بْخمار

والليال اللي تدلا ّعــــــــــذقها  لـْ  أهدابها

أشتريها بْعمر لحظـــــة يكتمل وضح النهار

قبل أبعثــــــــــــرني على إبره تشد حْجابها

كل ما فيها يحبّب فيك فلســـــــــفـْة َ الحصار

ثقـلها  /  هيبة نواعسها  /  حقول أعنابها

أرْوقتها اللي عجزت أمشي بها / قصر الوقار

عرشها / سلطة أنوثتها / سمو عـْــــــــتابها

كنها شوق الكبير لـْ أمسه وحلم الصـــــــــــغار

كل ما غطـّت على زلاتها أســـــــــــــــــبابها  

من يلومك يالمحاني لا وقفتي واستـــــــخار

كل شبر ٍ في مساحـــــــاتي يعشـْــق ترابها

لا بو بعدك

الثوابت (لا ..بو بعدك)

لا بو بعدك

لا بوبعدك

والمكان اللي خنقني وانت غايب

لا بو بعدك

والجروح اللي تغرد

الجروح اللي تغرد كل ما هبت هبايب

الصباح

الصباح اللي تعوّد

ما يمد شمسه

إذا ما ثاوب أجفانه بْصداك

وكل شي ٍ ما نساك

نبضه أنفاسه الأخيرة

واختمار الشاي لحمر

والمسا

والمسا يوم يْــتذكر

إنه من شعرك تأثر

بس من شعرك تأثر

وكل شي ما نساك

 هالزوايا

هالحنايا

هالخلايا

وهالـفراغ

 لا بو بعدك

 والقصيد اللي كتبته

ما كتبته من فراغ

كل حرف ٍ لو تشمه

ما تلاقي غير عطرك

كل بيتٍ لو تتمه

تعرف انه كان لجلك

كل شعري لو تلمه

تدري إني كنت أحبك

حيل أحبك

ياااااا....

وربي

صرت أحس إن ال حبيبي

ماهي بقد المقام

قلت أدور لك كلام

وقمت أدور لك كلام

قمت أدور لك كلام ٍ

غير

غير عن كل الكلام

كثر ما ضجّت ضلوعي

احترام ف احترام ف احترام

كثر كل شي ٍ وضح لك

من تبادلني السلام

لا بو بعدك

والـ..

تصدق كل ما جيتك أبحني لك عناقيــــــــــــدي

لقيت الريح ما ترحم ثمر ينده على ثــــــــغرك

وأنا المبصر لك ولكن يعذربني قصر إيـــــدي

أموتني لجل تحــــــــيا وأقللني لجل كثـــــــرك

وأطير لك أطير لك شــــــي بإيدي ولا بيـــــدي

ولا ادري ليه أسرابي تــــرد وودها هجـــرك

أخاف إني وأخاف إنك بعد سلمت لك جيــــدي

بعد ما صرت أنا وقلبي وتفكيري على خبــرك 

مجانين ٍ بك ونكسر لجـــــــــل عينك تقاليــــــدي

  نخون الود أو عشقٍ بعد عشقي  سكن صدرك

وأخاف إنك نسيت إسمي معا رسمي ومواعيدي

 واخاف انك بعد ناسي قبل ترحـــــــل  أبنتظرك

ومع هذا أبتناسى وأبحني لك عـــــــــــــناقيدي

ثمر يسقط من أغصاني فدا ثغرك فــــدا ثغرك

لا بو بعدك

لا بو بعدك

 والــ قصيده

والــ محرر

والــ جريده

والتفاصيل الجديدة

والممات اللي نريده

وما نريده

لا بو بعدك

والثواني

 والأغاني

والأماني

والمواني

ووش نعاني وما نعاني

والغريب من الثوابت

الغريب من الثوابت

ان هذا الكون فاني

إلا بعدك إلا بعدك

لا بو بعدك